Ma’ Gesù fil-Periferiji – Plexus 2018

X’inhu Plexus?

Plexus hija konferenza għal dawk li jaħdmu fil-pastorali maż-żgħażagħ, speċjalment għall-youth leaders u l-youth ministers.
It-terminu ‘plexus’ huwa wieħed xjentifiku, li fi ftit kliem jirreferi għan-netwerk ta’ vini u nervituri fil-ġisem.
Plexus hija opportunità fejn kull persuna tista’ titgħallem, tiltaqa’ u taħdem ma’ nies oħra fl-istess pastorali. Din mhijiex ser tkun konferenza tipika għaliex ser naħdmu biex kull min jattendi jkun parteċipant attiv.
L-aħħar talba ta’ Ġesù kienet li aħna nkunu ħaġa waħda. Bħala nies involuti f’din il-pastorali hemm bżonn nifhmu li ma nistawx naħdmu weħidna iżda huwa importanti li naqsmu dan il-vjaġġ u din l-missjoni flimkien.
Ġesù huwa fiċ-ċentru ta’ din il-ħidma tagħna u waqt Plexus niddedikaw ħafna ħin biex niskopru lil Alla u lil xulxin fit-talb.

Din is-Sena

Ma’ Ġesù fil-Periferiji.

Sa mill-bidu tal-pontifikat tiegħu, il-Papa Franġisku beda jħeġġeġ lill-Knisja biex tmur twassal l-Aħbar it-Tajba fil-periferiji kollha tas-soċjetà.
Ġesù diġà jinsab hemm. Iżda aħna kif ser immorru?
Din is-sena waqt Plexus ser naħdmu fuq żewġ binarji: l-ewwel permezz ta’ erba’ diskorsi ewlenin minndiversi kelliema; u t-tieni permezz ta’ workshops biex flimkien noħorġu bi proposti konkreti ta’ kif verament ser mmorru ma’ Ġesù fil-periferiji.
Apparti dan kollu ser ikun hemm ukoll spazju ta’ riflessjoni u talb, spazju biex nitħaddtu fuq is-sinodu u anke biex nkunu flimkien f’ambjent informali.